KOMPARASI.ID, (HULONDTALO) – Ti Bupati Lo Kabupaten Gorontalo Prof. Nelson Pomalingo to dulahu Hamisi 10 Ramadan 1445 H meyambo 21 Maret 2024 M ma lomoli’a bilulo’a Ta To Uliya Lo Bubato, de’uwto yito 75 pejabat eselon II,III,IV to Setda Kab. Gorontalo.
Ta Pitu Lo Pulalimo pejabat beyto mahilama liyo lo sumpah waw malololimo pohutu biluwata utilahuda mola Li Bupati Nelson Pomalingo to Bandtayo Kasmat Lahay To Limutu.
To hiyanga beyto, ti Bupati Nelson malotombangayi, rotasi waw promosi jabatan ta tohimbunguwa lo bilulo’a lo pamarendta matodilito bolo mopo’ayito to mimbihu umopolayi’o kalaja meyambo kinerja lo pamarendta.
To ungopohiya liyo ma’o, rotasi waw promosi jabatan to pamarendta patu-patuju umopoliyatu tato uliya lo bubato alihu ti’otutuwa mo kalaja waw motolopani u momongu lipu umatilonala liyo mayi to Rencana Pembangunan Jangka Menengah Daerah (RPJMD).
Sababu uwito, ti Bupati Nelson Pomalingo to hiyanga beyto, malopodungga lo tahuda ode pejabat tamalololimo biluwata, alihu mopo’ototo’a diyambango, mo balajari lo aturangi waw mo’ulindtapo lenggota lo kalaja alihu patuju u’mopodungga limehu bu’alo ode tuwango lipu ngo’inda motoduwo.
To mimbihu Pejabat tamalololimo Pohutu biluwata to bilulo’a bubato Kabupaten Gorontalo deuwito yito :
1. Haris Suparto Tome, jabatan baru Asisten III Administrasi Umum.
2. Darwan Usman, jabatan baru Kepala Dinas Pertanian.
3. Rahmat Abdul Wahab Pomalingo, jabatan baru Kepala Dinas Perumahan dan Permukiman.
4. Sumanti Maku, jabatan baru Kepala Dinas Pemberdayaan Masyarakat dan Desa.
5. Rahmat Dony Lahatie, jabatan baru Kepala Dinas Perpustakaan dan Kearsipan.
6. Hermanto Feybie Asona, jabatan baru Kepala Dinas Ketahanan Pangan.
7. Mohamad Taufik Margono, jabatan baru Kepala Dinas Satuan Polisi Pamong Praja.
8. Muhamad Rizal Botutuhe, jabatan baru Camat Telaga Jaya.
9. Jamaludin S Bobihu, jabatan baru Camat Telaga.